بسم الله نبدأ

السلام عليكم جميعا…

اسمحولي قبل البداية اني أقول شغله بسيطه, هذي المدونه هي عباره عن بيتي على الانترنت, ولذلك راح تلقوني ماخذ راحتي شويتين زياده. البعض راح يصاب بإنفصام في الشخصية من خليط اللهجات اللي راح يمر عليه هنا, بعض المواضيع راح تنكتب بالعامي “أو لغة الجرايد مثل مايسميها البعض” والبعض الآخر بالفصحى, وحتى اللي بالعامي .. لا خلاص الاحسن تشوفونها بأنفسكم.

في البداية أنا مو جديد على التدوين, كان لي مدونة قديمة حذفتها من سنوات لعدم التفرغ ولتطنيشي الزايد, ولا أذكر اني كتبت مواضيع كثيره تستاهل انها تكون في مدونة. بعد كذا بدأت مرحلة التشرد في الانترنت .. من فيس بوك الى منتديات وانتهائاً بـ تويتر, وقررت الآن بأني أرجع للتدوين بمحاولة أكثر جدية, ان شاء الله تكون محاولة ناجحة وأقدر أفيدكم واستفيد منكم.

أول موضوعين راح اكتبهم عباره عن مواضيع كتبت في المدونة القديمة, يمكن لاني أحبهم أو يمكن عشان بس أملى الموقع في البدايه! ان شاء الله تكون فاتحة خير وتكون دافع لي عشان أكتب.

في الختام, المدونة الى الان ما انتهت من ناحية التصميم, مازلت أشتغل عليها ولكني انتهيت من الأقسام الرئيسية فيها. المدونه راح تتكلم عن مواضيع كثيره, جميع اهتمامتي في كل المجالات .. برمجه .. تصوير .. رياضه .. العاب كمبيوتر … الخ. أتمنى ان يكون هالمكان مكان تستفيدون منه سواء علمياً أو حتى “سعة صدر” المهم تطلعون بفايده من دخلتهم هنا.

إلى تدوينات جايه .. أشوفكم على خير.